ಸಾರ್ವಜನಿಕ ಸೇವೆಗಾಗಿ ಆಂಬುಲೆನ್ಸ್ ಲೋಕಾರ್ಪಣೆ : SKSSF ಕೈಕಂಬ ವಲಯ

ಗುರುಪುರ ಕೈಕಂಬ: SKSSF ಸ್ಥಾಪನಾ ದಿನದ ಅಂಗವಾಗಿ  ಕೈಕಂಬ ವಲಯವು ಸಾರ್ವಜನಿಕ ಸೇವೆಗಾಗಿ ಸಜ್ಜುಗೊಂಡ ನೂತನ ಆಂಬುಲೆನ್ಸ್ ನ ಲೋಕಾರ್ಪಣೆ ಕಾರ್ಯವು ಫೆಬ್ರವರಿ 19 ರಂದು ಸಂಜೆ 4.00 ಗಂಟೆಗೆ ಗುರುಪುರ ಕೈಕಂಬ ಜಂಕ್ಷನ್ ನಲ್ಲಿ ನಡೆಯಲಿದೆ ಎಂದು ಕೈಕಂಬ ವಲಯ ಕಾರ್ಯದರ್ಶಿ ಆರಿಫ್ ಕಮ್ಮಾಜೆ ತಿಳಿಸಿದ್ದಾರೆ.

      SKSSFನ ಉಪ ವಿಭಾಗವಾದ ವಿಖಾಯ ಹಾಗೂ ಸಹಚಾರಿ ಸರ್ವಜನಿಕರಂಗದಲ್ಲಿ ಜಾತಿ-ಮತಗಳ ಭೇಧವಿಲ್ಲದೆ ಸೇವೆಯನ್ನು ಸಲ್ಲಿಸುತ್ತಿದ್ದು ರೋಗಿಗಳು ಮತ್ತು ಗಾಯಾಳುಗಳ ತುರ್ತು ರವಾನೆಗೆ ಈ ಭಾಗದಲ್ಲಿ ಆಂಬುಲೆನ್ಸ್ ಸೇವೆ ಅತೀ ಅಗತ್ಯವಾಗಿತ್ತು. ಗ್ರಾಮೀಣ ಭಾಗದ ಜನರಿಗೆ ಸೇವೆಯನ್ನು ನೀಡುವ ಉದ್ಧೇಶದಿಂದ ಕಾರ್ಯಕರ್ತರ ಮತ್ತು ದಾನಿಗಳ ನೆರವಿನಿಂದ ಈ ಆಂಬುಲೆನ್ಸ್ ಸೇವೆಯನ್ನು ಲೋಕಾರ್ಪಣೆಗೊಳಿಸಲಾಗುತ್ತಿದೆ. ಇದರ ಸೇವೆಯು ಎಲ್ಲಾ ಸಾರ್ವಜನಿಕರಿಗೆ ದಿನದ ಇಪ್ಪತ್ತ ನಾಲ್ಕು (24x7)ಗಂಟೆಯೂ  ಲಭ್ಯವಿದೆ. ಇದನ್ನು ಸಾರ್ವಜನಿಕರು ಸದುಪಯೋಗಪಡಿಸಿಕೊಳ್ಳಬಹುದು ಎಂದು SKSSF ಕೈಕಂಬ ವಲಯ ಅಧ್ಯಕ್ಷರಾದ  ಜಮಾಲುದ್ದೀನ್ ದಾರಿಮಿ ತಿಳಿಸಿದರು.

     ಕಾರ್ಯಕ್ರಮದಲ್ಲಿ SKSSF ಜಿಲ್ಲಾಅಧ್ಯಕ್ಷರಾದ ಬಹು: ಸಯ್ಯದ್ ಅಮೀರ್ ತಂಙಳ್ ಕಿನ್ಯ ದುವಾ ನೆರವೇರಿಸಲಿದ್ದಾರೆ. ಖಾಝಿ ಶೈಖುನಾ ತ್ವಾಖಾ ಅಹ್ಮದ್ ಮೌಲವಿ ಆಂಬುಲೆನ್ಸ್ ಸೇವೆಯನ್ನು ಲೋಕಾರ್ಪಣೆಗೈಯಲಿದ್ದಾರೆ. ಕೈಕಂಬ ವಲಯ ಅಧ್ಯಕ್ಷ  ಬಹು: ಜಮಾಲುದ್ದೀನ್ ದಾರಿಮಿ ಅಧ್ಯಕ್ಷತೆ ವಹಿಸಲಿದ್ದಾರೆ. ಕರ್ನಾಟಕ ರಾಜ್ಯಾಧ್ಯಕ್ಷರಾದ ಬಹು: ಅನೀಸ್ ಕೌಸರಿ ಉಸ್ತಾದ್ ಮುಖ್ಯ ಪ್ರಭಾಷಣ ನಡೆಸಲಿದ್ದಾರೆ ಅಲ್ಲದೆ ಇನ್ನಿತರ ಸಾಮಾಜಿಕ ಧಾರ್ಮಿಕ ನಾಯಕರು ಭಾಗವಹಿಸಲಿದ್ದಾರೆ ಎಂದು  ಆರೀಫ್ ಕಮ್ಮಾಜೆ ತಿಳಿಸಿದ್ದಾರೆ